待人接物之異 - 眼神接觸
唔知大家同人地傾計既時候, 隻眼會望去邊?
1.我自己既習慣就係望住人地隻眼講野 <-通常第一次識既都會咁做
2.比較熟既就未必 <-下下望住同一個位置講野, 好攰嫁~
3.望望下唔知去左邊 <-得閒望下你, 得閒唔"騷"你
4.靚女就望樣? 大眼就望眼? 或者邊度"正", 邊度"近"就望邊度?
有隻海產話我知佢都係望住人地隻眼講野, 不過俾人懷疑佢玩暗戀喎
我話, 你係咪牛咁眼望人地呀
梗係唔係啦, 望住人地講野係禮貌黎嫁嗎~
其實, 你放心啦, 雖然你係一隻哺乳類既海產, 不過人類歷史上最多都係同美人魚一齊
未聽過其他海鮮會...........
以往經驗, 第一次見面, 眼厲厲既時候, 初步都會知道對方係個點樣既人
嗯.........就好似第一次見女友家長既時候, 人地老豆都會scan下你身材衣著樣衰等等
係呢個時候, 千其唔好"劣", 要定眼望住佢, 若果握手就用番幾成力(當然要睇年紀啦, 人地叫痛你就死啦~~~~~~)
見工既時候, 通常都會叫你係會議室等等, 有人入黎既時候, 記得企返起身, 呢d基本禮貌好多人都唔記得, 要記住
之後要先介紹自己, 然後全程厲住佢, 俾個下馬威佢先(亦代表有自信), 即使佢問既野你唔知點答, 都唔好四圍望,
咁代表你既氣勢衰左, 之後就會影響面試既表現, 不過唔好厲得咁"痕", 佢會以為你係黎收數..
初相識朋友, 如果對方係女, 我就會好老土咁同人地握手(咁就唔洗頭都痕咁諗點樣可以摸佢隻手仔啦)
男就...講聲hello, 點下頭咪算lor, 我又唔著"段"牌背心既.....
因為好好耐耐無update, 暫時諗度咁多先 ﹁(︵_︵)「
[2]
