香港新浪網MySinaBlog 精選話題工具
新浪網 - MySinaBlog
« 上一篇 | 下一篇 »
打風不成3日雨
Bert | 24th May 2006, 22:53 PM | 無分類 | (464 Reads)

平均分: 10.00 | 評分人數: 1

呢成日都落左幾多雨, 以前後生既時候都幾鍾意下雨既氣氛, 不過漸漸就覺得落雨其實好煩emoticon

 

無打傘當然比較麻煩啦, 不過有時帶左, 都會覺覺得唔舒服...

 

無傘, 咁只好搵地方避呀, 或者屋簷下的君子啦, 等雨細D, 紅綠燈轉色, 由一個避雨處去另外一個時, 大家都會lewis上身, 要跑九秒九, 我相信年中俾呢類運動員撞到既次數應該多過中六合彩, 最唔明就係點解佢地覺得...報紙係可以當傘用既呢??

 

有傘既, 入左室內環境就.....唔知點咁, 拎住碌濕漉漉既捧...帶套又唔係, 唔帶套又........

都係出番室外好, 我都試過同女仔一齊用傘既時候, 借意搭膊之餘, 仲可以用手將佢夾埋你身邊emoticon, 你知啦, 通常夏天比較多雨.....咁...佢地著衫少左...有D就背心...有D仲淺色...如果你身高不錯...加個top shot就...........emoticon

 

 其實我今次係想講有帶傘果班人既, 即係咁, 你有得用就唔好同人爭位lor, 我係指果D...明明打緊傘, 仲乜要走埋去D避雨區呀, 有遮蔭, 有蓋既地方jer~~果類地方通常都多人嫁啦, 你仲要拎左把野行黎行去, 人家避開你又煩, 玩野咩~~~~

同場加影...點解 ...點解...點解...點解...某些人會鍾意落雨既時候...將把傘...打橫到成支棍咁樣放係頭頂, 就以為可以擋到雨...點解...點解唔係打開把野...既...emoticon

 

 由於某勢力人士迫我交稿既關係, 所以小弟會每星期盡量有一篇或以上文章出世, 希望各看倌俾個面, 介紹下呢個blog俾5湖四sea既老細門

留言(4) | 引用(0) | 話題(日常生活)

[1]

哈哈~~我都最怕果d晌騎樓底都仲要開遮的人~~到底佢地知唔知會整濕人地架??
[引用] | 作者 Dolphin | 24th May 2006 23:30 PM | [舉報垃圾留言]

[2]

果然观察细微哦，加油啦！
[引用] | 作者 elva | 25th May 2006 11:44 AM | [舉報垃圾留言]

[3] 我都最憎人响冇雨的地方打開把死人傘

拜人，呢個世界有黃種人的地方都係咁。唔知點解，係特別冇公德心的。旺角，尖沙咀，銅鑼灣特別多，重特別黑人憎。但冇計，只有心內無奈。口中緊唸三字真言，你老ｘ。呢個時候，就特別體會廣東方言的親切及表達能力。
[引用] | 作者 大熊貓 | 14th Sep 2006 17:11 PM | [舉報垃圾留言]

[4]

大熊貓先生,連你都咁諗又幾出奇喎....你知啦,長期箭豬頭既你...落雨又唔打傘....哈哈
[引用] | 作者 bert | 15th Oct 2006 18:46 PM | [舉報垃圾留言]