"唉, 果個老細, 全行都知道佢麻煩嫁啦, 好多人都做唔長"

"佢三十幾歲, 讀過工商管理果類野, 好似當我地係白老鼠咁, 定左好多規條"

"今日佢竟然同我講, 話信錯左我, 唔應該咁高人工請我, 不如用我果份人工請幾個剛畢業既學生仲好"

 "雖然我係呢行做左咁耐, 有時都對自己無咩信心, 之後去左工聯會上堂.."

"我都唔知點解, 成日都無記性, 落左乜野單, 叫左咩野貨我都唔知, 夜晚又瞓的唔好..." 

"唉, 真係頂唔順啦! 返左咁耐就辛苦咁耐, 我覺得自己做唔到佢既要求, 覺得好失敗, 但係唔做,  屋企收入又低左, 又未必搵到而家呢個人工"

相信好多初入社會工作既朋友都曾經面對以上問題, 對自己, 對人都未適應, 覺得好多事、物都唔應該係咁, 仲會分唔清究竟係人地既問題?定係自己既問題? 

上面既說話, 並非出自一個初投入社會既年輕人, 而係我家中既爸, 今年60歲, 由18歲開始學做洋服既"胡爸爸"

(本來想繼續寫...不過胡爸爸返左黎 ....遲小小補回)