突然, 想起十幾歲初入行既事, 而家想起都覺「on車」;
唔知你地踏出社會既時候, 又發生左乜事令你好難忘既事呢?
好耐都無試過 the ring 啦, 以下人士請自動獻心:
Dolphin, hang, middle, 桔子, fongfong
我由96年入"傳媒行業", 做到家下; 時間過得真係快, 由一個死花靚做到而家一個死佬..都唔知得到乜?
記得有一次真正跟導演做p.a.(production assistant)即係打雜, 係唔知邊一屆既亞洲小姐, 我跟果位係資深廣告導演, 佢要幫一大眾佳麗拍"形象片", 果D呢, 當阿小姐出場時果D靚靚片段呢, 當日係中環某美容中心, 見到好多去美容既姐姐不特止, 仲有化妝小姐呀, 乜乜小姐示範做facial, 按摩等等.....血氣方剛既我, 差點失去定力.........唔記得要工作
其中一個鏡頭, 係阿女既容貌"對出"就有一個畫架, 唔知點形容呀.....即係好似以前既MTV咁, 由個天花吊左不同畫框落黎, 之後主角係前面走黎走去呢~
因為太耐, 老人家我唔係好記得乜野情況下...我走左去利源東西街搵野(因為係導演叫既)...
係搵一件女人tubetop衫....
一個死靚仔...
不停去睇女人衫, underwear.....
仲俾班阿嬸望下望下我, 以為我係變態
去到一間shop, 一個好似媽媽咁溫柔既女性問我:哥哥仔, 我都見你搵左好耐女人野啦喎, 想買D乜呀!
花靚:我想搵一件露肩, 一字平果隻衫, 係要黎拍野俾model用(我唔知tubetop呢個terms)
老闆娘: tubetop吓話, 要咩顏色嫁, model身形係點嫁, 拍廣告定電影呀...........
花靚:我唔知呀, 導演只係叫我搵呢類衫, 我行左幾個地方都搵唔到
老闆娘:呢度其實周圍都有, 你唔識搵jer 拿你睇下呢件得唔得?
花靚:(手拎起件top心想, 吓咁既一塊有橡皮圈既布原來就叫tubetop)幾錢呀老闆娘?
老闆娘:$180啦,呢塊靚料黎嫁
花靚:呢塊好似係絨黎喎, 會唔會好熱嫁(果陣係夏天, 有廿幾三十度)
老闆娘:你係邊度拍野呀, 係咪室內呀, 室內有冷氣嫁嗎!
花靚:又係喎...不過咁仲有無其他料可以選擇?
老闆娘:無啦, 咁你要唔要呀, 只剩呢件咋
花靚:要呀要呀, 唔該你開張單俾我呀
好啦, 返去諗住完成任務既時候, 導演見到我份功課, 就開始袋錢俾我:
買野買咁耐, 去左蛇王呀, 成隊crew等你開工呀;
呢件野邊洗百幾呀, 幾十就有啦;
嘩, 絨黎喎, 我地set左咁多燈, 你驚死個model唔生熱痱呀..
雖然我對於果屆既住麗同model既印象已經無晒.....不過而家諗番起...都有D涙光
