每蓬佳節陪思春...呀, 係思親..

雖然係聖誕節, 但係單身寡仔都無乜特別野攪, 眼見街上既都係相相對對, 很不是味兒, 之後決定北上尋歡樂, 約左個係消閒中心認識既囡囡去玩~ 

可能好多人係度諗:嘩, 乜你咁嫁~~~ 嘩, 你dirty~~~~~, 嘩, 你乜乜乜~

大佬, 服務員都係人, 都係有阿媽生嫁, 唔好用有色眼鏡睇先得嫁, 而且, 我地都係去左歡樂谷玩jer, 有乜問題?? 

囡囡因為係深圳工作左一段時間, 所以識講白話, 咁都好, 我D冬瓜就唔洗煲到唔湯唔水,  由2點幾玩到5點幾, D機動遊戲實左太好玩啦, 個個都會令你腦溢血.......頭都暈, 終於大家都要舉白旗, 未天黑就放棄, 可能我老啦.......

可能係呢個地步, 很多人都認為應該搵個「地方」休息下, 聯絡下感情, 交換下心得咁.....
sorry, 我未約佢之前已經知佢夜晚有朋友生日party, 而且第二日要返10點, 所以sorry, 某d人所想既野我係無去做既

就係咁簡單, 係12月24日, 我約左個女仔去左玩, 連晚飯都無一齊食, 之後就各散東西啦

有個朋友知道呢件事之後, 就問我仲乜咁失敗, 我就唔覺得乜野喎, 當識多個朋友又好, 有個人陪你又好, 咁樣都ok呀, 而且感情既野, 萬一我真係有, 我唔會介意佢既職業, 最多唔俾父母知既jer, 之後朋友好驚咁講:嘩, 你洗唔洗咁認真呀, 周街都係女, 唔洗咁好決定喎

唉, 我都只不過話如果jer, 真正發生既時候我可能無咁冷靜, 而且...我又唔係有錢有型or靚仔..你估香港人大晒咩~